Ағымдағы жылдың 19 қарашасында Курчатов қаласы «Балалар мен жасөспірімдер шығармашылық үйінің» қосымша білім беру оқытушысы А.Сағындықова үйірме қатысушыларымен «Қазақтың ұлттық ойындары» атты спорттық эстафетасын өткізді.
Мақсаты: Балаларды спортқа баулу. Ұлттық ойындармен таныстыру. Балаларды зеректікке, тапқырлыққа, зейінді болуға тәрбиелеу. Балалардың дене шынықтыру мен спортқа деген сүйіспеншілігін ояту, ой-өрісін кеңейту, сайыс барысында қазақтың ұлттық ойындарына қызығушылықтарын арттыру.
Қорытындылай келе, бұндай ойындар – жас ұрпақ тәрбиесіндегі өмірлік және қажетті элемент деп айта аламыз. Қазақтың ұлттық ойындарымен таныстыру, балаларды қазақ халқының тарихи-мәдени мұраларына құрметпен қарауға, сонымен қатар ептілікке, ұқыптылыққа үйрететіндігіне сенімдіміз.
