Көктем келіп табиғат бой түзеп оянды, құстар шарықата ән салды, көктен күн шуағын төгіп мерейіне бөледі, тіпті балалар да бұған ерекше мәз болды..Дегенмен, мұздың еру кезеңінде судағы өзін-өзі ұстау ережелерін сақтамағандар үшін көктем әрқашан жақсылық әкеле бермейді. «Мұзды күн жарады, күн жармаса кім жарады?» - дейді ескі орыс мақалы. Осы кезеңде көктемгі мұз өте қауіпті екенін есте ұстаған жөн, су қоймалары ашылғанға дейін күн мен тұман оны кеуекті, борпылдақ етеді, бірақ сыртқы жағынан күшті болып көрінеді.
2023 жылдың 30 наурызында «Балалар мен жасөспірімдер шығармашылық үйінде» үйірмеге қатысушы бүлдіршіндермен Курчатов қаласының төтенше жағдайлар жөніндегі аға тергеушісі азаматтық қорғау аға лейтенанты Исимбаев Мирхат Қуандықұлымен қауіпсіздікті еске түсіру мақсатында кездесу өтті. Ол балаларды мынадай ережелермен таныстырды мысалы: мұзды белгілер бар жерден ғана өтуге болады, көктемгі мұзға шықпаңыз, мұзға құлап қалсаңыз не істеу керек?.
Тақырыптық иллюстрацияларды көрсету арқылы сабақ ұйымдастырды, үйірме мүшелері қарап қана қоймай, солардың негізінде «Сақтықта қорлық жоқ» әңгімесін ойлап тапты.
Уақыт елеусіз зымырап өтіп, «Қауіпсіздік сабағы» да аяқталды. Соңында оқушылар апат болмас үшін суда, мұзда өзін қалай ұстау керектігі туралы Төтенше жағдайлар қызметкерлерінің сұрақтарына жауап берді. Төтенше жағдайлар министрлігінің қызметкеріне әр баланың жолдастарынан гөрі мүмкіндігінше дұрыс әрі жылдам жауап беруге тырысқаны қатты ұнады. Бұл сабақтың бекер болмағанын білдіреді және балалар қауіпсіз мінез-құлық туралы тағы бір тақырыпты меңгерді.
Бұл кездесу балаларға жағымды әсер қалдырды, олар құтқарушылардың жұмысы туралы көп мағлұмат алды. Бірақ бәрінен бұрын осындай кішкентай балалардың бірнеше минут бұрын естіген қауіпсіздік ережелері туралы ақпаратты тез меңгергені мені қуантты, енді олар мұзбен жүруге болмайтынын және қауіп төнген жағдайда жүрмеу керек екенін жақсы біледі. «02» немесе «112» телефондары арқылы құтқару қызметіне қоңырау шалыңыз.
Негізгі қауіпсіздік ережелерін сақтай отырып, сіз өзіңіздің және жақындарыңыздың қауіпсіздігін қамтамасыз етесіз.
