Жалпы білім беретін пәндер бойынша 7-8 сынып оқушыларына арналған Республикалық олимпиаданың екінші (аудандық) кезеңі

07-08 қараша, 2024

Олимпиаданың мақсаттары мен міндеттері:

Оқушылардың зияткерлік қызмет пен ғылыми білімге деген қызығушылығын дамыту, білім алушылардың қабілеттерін, бейімділігін іске асыру үшін жағдай жасау, дарынды балалармен жұмысты іске асыру шеңберінде ерте бейіндеу, Республикалық пәндік олимпидаларға қатысу үшін жоғары ынталы білім алушыларды анықтау.

Олимпиада келесі пәндер бойынша жалпы білім беретін бағдарламалар негізінде өткізіледі:

Жаратылыстану-математикалық бағыт (математика, биология, физика, география, химия, информатика) және қоғамдық-гуманитарлық бағыт (қазақ тілі мен әдебиеті, орыс тілі мен әдебиеті, орыс тілінде оқытатын мектептердегі қазақ тілі, қазақ тілінде оқытатын мектептердегі орыс тілі, ағылшын тілі, Қазақстан тарихы)

Олимпиада 4 кезеңде, бір турда өткізіледі:

• бірінші (мектепшілік) кезең – ҚГБ және ЖМБ пәндері;
• екінші (аудандық/ қалалық) кезең – ҚГБ және ЖМБ пәндері;
• үшінші (облыстық) кезең – ҚГБ және ЖМБ пәндері;
• төртінші (республикалық) кезең – ҚГБ және ЖМБ пәндері.

Олимпиаданы ұйымдастырушылар:

«Дарын» РҒПО олимпиаданың екінші, үшінші, төртінші кезеңдерінің тапсырмаларын әзірлейді және құрастырады.