Ағымдағы жылдың 24 қазан күні Шерхан Мұртаза атындағы Халықаралық Тараз инновациялық институты мен «Жамбыл дарыны» аймақтық ғылыми-практикалық орталығы арасында ынтымақтастық туралы меморандумға қол қойылды.
Меморандумның мақсаты - білім беру, ғылым және тәжірибе алмасу бағытында ынтымақтастықты нығайту. Құжат аясында тараптар аймақтағы дарынды жастарды қолдау, білім беру бағдарламаларын жетілдіру және бірлескен ғылыми-зерттеу жобаларын жүзеге асыру бағытында бірқатар іс-шараларды жоспарлауда. Сондай-ақ, тәжірибе алмасу, ғылыми конференциялар мен семинарлар ұйымдастыру сияқты маңызды бағыттар бойынша ынтымақтастық орнату көзделіп отыр.
Бұл келісім оқу орны мен орталықтың нәтиже көрсеткішін арттырып, өңірлік ғылыми әлеуетті дамытуға елеулі үлес қосарына сенім мол.
